Panatinaikos odgovorio: OAKA i sjajni Kostas Slukas za izjednačenje

Panatinaikos je u drugom meču četvrtfinala Evrolige pobijedio Makabi na domaćem terenu 95:79 i izjednačio na 1:1.

Nije dobro počelo po domaći tim. Makabi je odlično šutirao za tri i veoma brzo su došli do dvocifrene prednosti. Sve se promijenilo kada je domaći tim počeo igrati bolju odbranu. Do poluvremena su preokrenuli rezultat i na veliki odmor su otišli sa prednošću 51:39.

U drugom dijelu su nošeni sjajnom podrškom sa tribina održavali prednost u trećoj četvrtini. Makabi je početkom posljednje četvrtine smanjio na 71:68 nakon serije 12:0. Onda su uzvratili Kostas Slukas i Matijas Lesor i odveli svoj tim do pobjede.

Kostas Slukas je predvodio pobjednike sa 29 poena što mu je rekord karijere, Janis Papapetru je ubacio 15, Konstantinos Mitoglu 12, Matijas Lesor je ubacio 11, a Kendrik Nan 10 poena. Na drugoj strani Lorenco Braun 18 , Džejk Koen i Antonius Klivlend po 12, Tamir Blat 11 poena. Sada se serija seli u Beograd.

Najbolje kvote vas očekuju u Meridianbet poslovnicama.

About The Author

Kosarka 24

See author's posts