(VIDEO) Durant debitovao za Finiks

foto:printscreen

Kevin Durant debitovao je u dresu novog kluba Finiks Sansa. Na prvom meču u dresu novog kluba došao je do pobjede.

Durant je devetog februara u velikom trejdu došao u Finiks, ali zbog problema sa povredom nije igrao i čekao je debi. Noćas je u dresu novog kluba debitovao na meču protiv Šarlota, koji je njegov tim dobio 105:91. Durant je meč završio sa 23 poena, uz odličan šut iz igre 10/15, dodao još šest skokova i po dvije asistencije i blokade.

Devin Buker je bio najraspoloženiji. Postigao je 37 poena, Deandre Ejton je imao po 16 poena i skokova, a Kris Pol je podijelio 11 assistencija.