Mornar gubi korak

Košarkaši Mornara poraženi od FMP-a u meču 24. kola ABA lige.

FMP je na domaćem terenu pobijedio Mornar 94:92. Odlučujuće poene postigao je Radoš Šešlija poslije asistencije Filipa Čovića na 20 sekundi do kraja. To su mu bili jedini poeni na meču.

Imao je Mornar posljednji napad probao je za tri poena Ajzea Vajthed, ali nije pogodio i FMP je došao do devete pobjede. Na drugoj strani Mornar koji se bori za plej of sada je na učinku 17 pobjeda i šest poraza. Od lidera Igokee imaju dvije pobjede manje, a tri kola su ostala do kraja.

FMP su do pobjede vodili Filip Čović sa 26 poena i osam asistencija i Nemanja Nenadić, koji je ubacio 21 poen. Na drugoj strani Ajzea Vajthed 25, Derik Nidam 16, Tejlor Smit 15 poena.

foto:FMP