Mario Nakić: Najgore je kad zavisiš od drugog

Mario Nakić prvotimac Partizana govorio je pred meč protiv Žalgirisa.

Dva kola ostala su do kraja ligaškog dijela Evrolige. Partizan je na polovičnom učinku i trenutno je van zone plej-ina. Ipak nije sve gotovo. Da bi išli dalje trebaju im dvije pobjede do kraja protiv Žalgirisa i Real Madrida, te da im se poklope i ostali rezultati.

Za početak treba pobijediti Žalgiris u Kaunasu. Tim Andree Trinkijerija nema šanse za doigravanje.

“Naravno da želimo da pobijedimo. Situacija u ekipi je vrlo dobra, bodrimo se, trudimo seda budemo na visini zadatka na svakom treningu. U četvrtak idemo na pobjedu, ići ćemo na pobjedu i protiv Reala. Na nama je da pobijedimo te dvije utakmice. Ovo je finale za nas, izaći ćemo maksimalno motivisani i nadamo se pozitivnom ishodu.

Najgore je kad zavisiš od nekog drugog. Teško nam je pao poraz od Bajerna, ali takva je Evroliga ove sezone, svaka utakmica je neizjvesna do samog kraja”, istakao je Mario Nakić za Sport klub.

Govorio je i o narednom protivniku.

“Žalgiris je ekipa koja igra čvrsto, šuterski su orijentisani, Francisko im je glavni igrač, najveći fokus će nam biti na njemu. To je ekipa koja je dobro vođena, imaju dobrog trenera. Nemaju šta da izgube, sigurno će htjeti da pobijede pred svojim navijačima. Čeka nas jako teška utakmica”, zaključio je Mario Nakić.

Meč Žalgiris-Paritzan igraće se u četvrtak sa početkom u 19 časova.