Tripl dabl Jokić, rekord Karija

Košarkaši Denver Nagetsa pobijedili su Minesota Timbervulvse 124:109. Novu sjajnu partiju odigrao je srpski centar Nikola Jokić.

Denver Nagetsi ostvarili su drugu ovosezonsku pobjedu, do koje su ih vodili Nikola Jokić i Džamal Marej.
Srpski centar je ubacio 19 poena, uhvatio je i 12 skokova i podijelio 12 asistencija i nakon Vilta Čemberlejna je prvi centar u istoriji lige koji predvodi ligu u asistencijama. Marej je u pobjedu uzgradio 36 poena.

Noć u najjačoj ligi svijeta obilježio je bek Golden Stejta Stef Kari. Nakon brojnih kritika na račun njegovih igara on je u pobjedi protiv Portlanda 137:122 postigao čak 62 poena. Već na poluvremenu je Kari imao 31 poen, a utakmicu je završio sa 8 pogođenih trojki i od 19 slobodnih bacanja je promašio samo jedno za rekord karijere.


Dalas je bez povrijeđenog Luke Dončića izgubio od Čikaga 118:108, a Boban Marjanović upisao je 6 poena i 6 skokova.

foto:denver nuggets