SC Derbi bolji od Cibone

Košarkaši SC Derbija u posljednjem meču petog kola ABA lige bolji od Cibone.

Domaći tim je slavio pobjedu 93:87 (33:26,14:11,25:20,21:30)

Tim iz Podgorice su do pobjede vodili Kajl Vinjales sa 32 , Andrija Slavković sa 15 te Flečer Megi sa 13 i Kenan Kamenjaš sa 12 poena. Na drugoj strani Mateo Drežnjak 26, Amar Gegić16 poena.

„Čestitam momcima na pristupu. Nismo krenuli kako smo se dogovorili, odbrambeno premalo agresivno, nije bilo fokusa u zatvaranju skoka. Kad smo eliminisali taj problem, imali smo kontrolu utakmice i sasvim zasluženo pobijedili. Očekivao sam pad i ranije, ali smo izdržali, Bitna je pobjeda, ali još se tražimo”, rekao je trener pobjedničkog tima Andrej Žakelj.

„Čestitam SC Derbiju na pobjedi, iskoristio je svoje prednosti. Otvorio je utakmicu sa pet vezanih šuteva za tri, razigrao se i bilo ga je teško stići. U nekim statističkim parametrima smo bili dobri, ali smo bili previše agresivni, dozvolili 40 bacanja, što je domaćin iskoristio. SC Derbi ima status novajlije, ali svi znamo ko su Megi, Vinjales, gdje su igrali, kakav je igrač Kamenjaš, pa Pavlićević, dosta je i talenata. Neozbiljno je reći da nisu iskusni, meni nije iznenađenje što igraju dobro“, rekao je poslije meča trener Cibone Vladimir Jovanović.

foto:SC Derby