Karlik Džons sa šalom Partizana: Dobio sam poklon od navijača, uvijek od njih dobijam ljubav

Karlik Džons govorio je poslije pobjede protiv Albe Berlin.

Partizan je prekinuo niz od tri poraza u Evroligi. U 31. kolu pobijedili su berlinsku Albu na domaćem terenu 85:71.

Karlik Džons je opet bio onaj stari. Meč je završio sa 15 poena i devet asistencija. Poslije meča od navijača je dobio i šal.

“Dobio sam poklon od navijača, uvijek od njih dobijam ljubav. Bile su ovo tri naporne prethodne utakmice za nas, ali navijači nam uvijek pokazuju ljubav, bez obzira na to gdje igramo. Bilo je nekoliko situacija gdje nismo pogađali šuteve, loše smo igrali odbranu, a takođe nismo mogli doći ni do poena.

Na kraju dana odbrana donosi trofeje, ali opet morate pronaći način da pogađate šuteve. Uspjeli smo nakon te tri utakmice odreagovati i pobijediti Albu. Izgubili smo prethodne tri, ali uvijek vjerujemo jedni drugima, našem stručnom štabu i sve će doći na svoje mjesto”, rekao je Karlik Džons za Evroliga TV.

Partizan u četvrtak gostuje Bajernu, a Alba dočekuje Virtus iz Bolonje.