I Bolomboj napustio CSKA

Ruski reprezentativac Džoel Bolomboj peti igrač koji je napustio moskovski CSKA.

Prethodno su iz kluba otišli Ife Lundberg, Johanes Fojgtman, Toko Šemgelija i Marius Grigonis. Kako je navedeno zbog ličnih razloga prouzorokovanih situacijom na relaciji Rusija – Ukrajina. Danas vijest i kako je reprezentativac Rusije Džoel Bolomboj napustio ekipu. On je rođen u Ukrajini, a iz kluba su naveli da je otišao zbog ličnih razloga koji uključuju ovaj sukob.

Bolomboj ima ruski pasoš s obzirom na to da mu je majka Ruskinja iz Tatarstana. Džoel je rođen u Donjecku u Ukrajini, ali je odrastao u Teksasu.

Po dolasku u CSKA (2018) on je dobio ruski pasoš, pa je tako nastupao kao domaći igrač.

foto: cska