Finta, dribling i trojka za pobjedu Bogdanovića (VIDEO)

Bjelica prije dva dana protiv Hjustona, noćas Bogdan Bogdanović trojkom donio pobjedu Sakramentu protiv Oklahome.

Bogdanović je pogodio trojku za pobjedu na 13 sekundi do kraja za 94:93. Oklahoma je imala posljednji napad, ali nije pogodio Kris Pol.

Po završetku meča Bogdana Bogdanovića su pitali jesu li u toku “srpski praznici” kada igrači iz Srbije donose pobjede Kingsima u posljednjim susretima.

“Ne znam, stvarno. Možda ima nešto u tome. Osjećamo se dobro na terenu. Imamo u timu nekoliko momaka koji se ne plaše da preuzmu odgovornost da šutiraju kada je najpotrebnije. Osjećaj je dobar, cijeli meč smo igrali loše, da budem iskren, ali smo na kraju uspjeli da pogodimo taj šut, dok je Rašon Holms odigrao nevjerovatno u odbrani na Krisa Pola u njihovom poslednjem napadu. Pobjedili smo, to je bilo najvažnije za nas.”

Bogdanović je meč završio sa  17 poena uz tri skoka, dok je Nemanja Bjelica, upisao deset poena i pet skokova. Kod Oklahome, Denis Šroder je postigao 17, Danilo Galinari 14 poena.

foto:printscreen/youtube