Dubai nanizao i Zadar: Deveta pobjeda u nizu ekipe Jurice Golemca

Dubai je u meču 26. kola regionalne ABA lige pobijedio Zadar na domaćem terenu.

Tim Jurice Golmca slavio je sigurnu pobjedu 92:68, koja je bila ukupno 21. za Dubai, a njihova deveta u nizu, kojom su i dalje treći na tabeli regionalnog takmičenja. Na drugoj strani tim Danijela Jusupa je sada na učinku 12 pobjeda i 14 poraza.

Od starta je domaći tim nametnuo svoju igru. Brzo su došli do izbiljije razlike, koja je na poluvreemnu iznosila 46:29.

U drugom poluvremenu slična priča. Dubai kontroliše igru i rezultat, a Zadar je uspio u jednom momentu da priđe na 10 poena zaostatka. Ubrzo je domaći tim sa dvije trojke vratio veliku prednost i tu su definitivno prelomili meč u svoju korist.

Domaći tim su do pobjede vodili Avudu Abas sa 14, Klemen Prepelič i Danilo Anđušić sa po 11 i Nejt Mejson, koji je ubacio 10 poena.

Na drugoj strani Vladimir Mihailović 21, Lovro Mazalin 12, Dominik Gilbert 10 poena.

Dubai u narednom kolu gostuje Mornaru, a Zadar će u Čačak.