Sterling Braun: Naš plan igre je da budemo agresivni u odbrani

Sterling Braun najavio je meč protiv Anadolu Efesa.

Košarkaši Partizana u trećem kolu Evrolige na svom terenu u beogradskoj Areni dočekuju Anadolu Efes. Oba tima za sada imaju po pobjedu i poraz.

“Očekujem dobru utakmicu svih 40 minuta. Oni će izaći na teren, igrati svoje akcije i oslanjati se na iskustvo koje imaju, a i mi ćemo isto tako. Naš plan igre je da budemo agresivni u odbrani, da njihovim šuterima otežamo posao i da ih zadržimo pod kontrolom. Imali smo nekoliko kvalitetnih dana treninga i mislim da smo spremni”, rekao je Braun.

Ne razmišlja na način kao pojedini novinari da imaju manjak opcija na centru.

“Ne, ne osjećam da je tako. Imamo velike igrače dole, ovo je timska igra. Ako smo u situaciji da šutnemo otvorenu trojku, uzećemo je. Naši veliki irgači znaju da igraju, čitaju igru, poentiraju, ne šutiraju toliko kao mi, ali mogu promijeniti ritam utakmice”.

Još je rano za zaključke o igri crno-bijelih. Odigrane su tek tri utakmice.

“Ne mogu da kažem da sam zadovoljan, moramo pronaći hemiju, ritam, tek je treća utakmica… Mnogo je dobrih momaka, na terenu i van njega što olakšava stvari. Dobri smo, bićemo još bolji, još je početak sezone. Duga je sezona, idemo utamicu po utakmicu”.

Meč Partizan-Anadolu Efes na programu je u četvrtak u 20 časova i 30 minuta.