Obradović: Ovakav odnos nisam vidio nikad u životu
foto:printscreen
Partizan je poveo u polufinalu ABA lige protiv Cedevita Olimpije.
Crno bijeli su upisali rutnsku pobjedu 85:70 i pobjeda ih dijeli od finala.
“Cilj koji smo imali ispred nas je ovo upravo što se dogodilo. U Ljubljanu idemo sa 1:0, svesni smo da se igra za manje od 48 sati. Ujutru autobusom idemo na put. Pokušao sam da rasporedim minute igrača koji će igrati i u utorak. Šta je tu je. Hvala navijačima na nevjerovatnoj atmosferi koju su napravili. Potrebna nam je još jedna pobjeda za plasman u finale”, rekao je Obradović.
Protivnik je na ovom meču imao 30 skokova u napadu.
“Kakav bi rezultat bio da se to nije dogodilo? Pričali smo o tome, koji je prije svega imao Alen Omić osam ofanzivnih skokova. Ovakav odnos nisam vidio nikada u životu, ne nas, već da neko ovako nadskače bilo koga. To je jedna od stvari koje ćemo pokazati igračima i pokušati to popraviti na drugoj utakmici.”
Trifunović je odigrao odlično, a Ledej se ispromašivao.
“Trifunović je odigrao na oba kraja parketa jako dobro. Zna koliko mu vjerujem. Zek je imao otvorene šuteve kao na treningu, ali nije ubacivao. Opet su viđene neke stare boljke, tipa da se gleda pas unutra kada je slobodan igrač napolju”, zaključio je Obradović.
Naredni meč na programu je već za 48 sati, a domaćin će biti slovenački tim.
About The Author
