Obradović: Nismo igrali pametno
foto:printscreen
Partizan nije iskoristio dvije meč lopte protiv Reala. Majstorica u Madridu će odlučiti ko ide u Kaunas.
Real je u četvrtak slavio u Beogradu 85:78 i izjednačili na 2:2.
“To je najveća istina, nismo igrali pametno. Zašto? Pa to ćemo ostaviti za poslije, da se pokušamo pripremiti za petu utakmicu”, rekao je Obradović u uvodnom dijelu obraćanja.
“Čestitam Real Madridu na pobjedi. Večeras je presudio jedan skok koji je otišao u ruke Valtera Tavaresa. Borili smo se, tim je pokušao uraditi sve, ali to nije bilo dovoljno. Na nama je da se što bolje spremimo za ono što dolazi.”
Govorio je i o durgim segmenitima igre.
“Ne znam šta bih rekao, da ponovim ono što sam rekao na engleskom jeziku. Kad se pogleda statistika imali smo 11 šuteva više od Real Madrida, jedan manje za tri poena. Imali smo deset posjeda više, to znači da se ekipa borila. Ako smo ih natjerali na 13 izgubljenih lopti i to govori. Otvorene šuteve smo promašivali i bili brzopleti, kao u prethodnoj utakmici. Analizirali smo i analiziraćemo. Moramo da igramo pametnije, ali i Anđušić mora da igra pametnije. Ovde se ne radi o jednom igraču već o timu. Uvijek je tim ispred svega.
U ovim nevjerovatnim okolnostima u kojima su igrali, velika zahvalanost našim navijačima koji su poslije velike tragedije došli u ovolikom broju. Hvala im na tome, jedino što mogu da obećam jeste da ćemo uraditi sve što možemo da se pripremimo za utakmicu u Madridu. To su i oni prepoznali, pa smatram da nema nekih zamjerki što se toga tiče”.
Mentalna prednost sada je na strani Madriđana.
“Mentalna priprema meča će se svesti na jednu stvar. To je da Real Madrid igra zonsku odbranu, a mi smo totalno sami. Ako budemo pogađali šuteve, imamo velike šanse da uzmemo utakmicu. To je najbitnije. Sve ovo ostalo, kada se pogleda šut za tri poena, šest od 23 kao večeras, s tim ne može da se dobije utakmica. Ako budemo šutirali bolje u Madridu mislim da imam velike šanse da pobijedimo”, objasnio je Obradović.
Slobodna bacanja Partizan je večeras šutirao 10/19.
“Ima statistika, isti broj pokušaja penala, ubacili smo sedam manje od njih, a izgubili sedam razlike. To je takođe jedan od elemenata. U Istanbulu smo protiv Efesa šutirali 28/28, a šta je sad tome razlog, vidjećemo. Postoje metode kako se penali šutiraju na treningu, pokušaćemo da i o tome vodimo računa, kao i sve ostalo što nas do kraja čeka”, zaključio je trener Partizana.
About The Author
