Mega poslije produžetka bolja od Krke

Mega u trećem kolu ABA lige pobijedila Krku poslije produžetka.

Na kraju je bilo 73:72 (20:17,16:16,18:16,13:18,6:5). Odlučujuće poene za Megu postigao je Boriša Simanić sa linije slobodnih bacanja na dva minuta do kraja produžetka. Imala je Krka posljednji napad za pobjedu. Rok Stipčević je prošao Simanića, ali nije uspio da položi loptu i Mega je došla do druge ovosezonske pobjede, a Krka je doživjela drugi poraz u ABA ligi.

Skuči Smit sa 17 poena i sedam asistencija najbolji u pobjedničkom timu, Boriša Simanić je imao 13 poena i sedam skokova, Aleksandar Balčerovski je ubacio 11, a Karlo Matković 10 poena. Na drugoj strani Rok Stipčević 25, Luka Lapornik 15 poena.

foto:Mega Basket/Ivica Veselinov