Gonzagino martovsko “ludilo”

Košarkaši Bejlora i Gonzage igraće u finalu ovogodišnjeg NCAA turnira.

Gonzaga, koja je i najveći favorit za titulu do finala je došla na spektakularan način. Poene za finale postigao je Džejlen Sags gotovo sa pola terena na isteku produžetka. Tako je njegov tim slavio pobjedu protiv UCLA sa 93:90.

Gonzaga je tako postala prvi tim koji je neporažen stigao do finala još od Indijana Stejta, Lerija Birda 1979. godine. Ovo im je bila 31. uzastopna pobjeda.

U drugom polufinalu nije bilo drame pošto je Bejlor bio bolji od Hjustona 78:59.

Finale će biti odigrano u noći između ponedjeljka i utorka od 3.20 sati po našem vremenu.

foto:ncaa