(VIDEO) Kosta Kondić: Prisustvo šampiona daje ti dodatni podstrek da igraš bolje
foto: aba liga/ Dragana Stjepanović
Kosta Kondić igra sjajno na početku sezone u dresu Mege.
Najmlađi tim ABA lige je u trećem kolu nanio prvi ovosezonski poraz ekipi Dubaija i to na domaćem terenu. Kondić je u finišu kada se meč “lomio” preuzeo odgovornost. Postigao je trojku, a potom je i fauliran na šutu za tri poena.
Hladnokrvno je ubacio sva tri i ovjerio pobjedu svog tima. Na kraju meč je završio sa 16 poena.
“Pobijediti bilo koju utakmicu je sjajno, a posebno ovakvu ekipu na njihovom terenu, što daje na značaju. Ovo je treća utakmica u kojoj svih 40 minuta igramo odbranu i to nam donosi rezultat. Griješimo naravno, ali ta odbrana nas dovodi do pobjede”, rekao je Kondić za Mozzart Sport .
Koliko je Mega mlada, govori podatak da najstariji igrač ima svega 23 godine.
“Iskustvo, moje”, uz smjeh je rekao Kosta, a onda u zbilji nastavlja:
“Ne znam, ogromna želja… Kada smo krenuli sa pripremama, ponavljamo iz dana u dan da idemo da pobijedimo. Sa tim mentalitetom dolazimo na utakmice i naravno imamo ogromnu želju”.
Na kraju će se pamtiti da je pogodio tri slobodna bacanja koja su bila presudna za trijumf.
“Ostao sam pribran, pogodio sam iako sam tokom utakmice promašivao bacanja. Nismo planirali faul na šutu za tri, ali to se desilo. Poslije toga je trener pokazao da igramo mirne glave. Nismo imali pritisak jer znamo sa kim igramo i na kraju je bilo nekako baš lijepo”.
Mega je sada sa tri pobjede na vrhu ABA lige.
“Malo ko je očekivao, doduše prošla godina Mege je bila baš uspješna, a u ovu godinu smo ušli sa ciljem da idemo u plej-of. Nismo očekivali ovakav start, ali idemo dalje, ne planiramo da stanemo. Nastavljamo da radimo kao što smo do sada, sa istim ciljem”.
Glavna zvijezda utakmice je bio Nikola Jokić koji je poslije utakmice otišao u svlačionicu Mege da čestita ekipi na velikoj pobjedi.
“Kada vidite njega, svi želimo da igramo dobro, da se pokažemo da bismo možda otišli negdje dalje. Prisustvo šampiona daje ti dodatni podstrek da igraš bolje. Kada je ušao u svlačionicu čestitao nam je i kaže da bi volio da ima emociju koju mi imamo, da se raduje kao i mi”, završava Kondić.
Najbolje kvote vas očekuju u Meridianbet poslovnicama.
About The Author
