Jokić asistencijama vodio Denver do pobjede

Denver pobijedio Jutu sa 103:88 i došao do osme pobjede.

Nikola jokić nije puno šutirao te je utakmicu završio sa sedam poena, imao je i 10 skokova i čak 16 asistencija.

“Ovo govori o njegovoj veličini. Neki igrači mogu da utiču na rezultat isključivo poenterski, a Nikola može da dominira i ne mora ni da postiže poene i to ne može puno igrača. On je večeras imao pola naših asistencija, mi smo imali 32 a on sam 16. Imao je deset skokova, samo sedam poena – on je budućnost ovog tima i franšize i lopta će uvijek ići preko njega. On čini sve oko sebe boljim i mislim da to radi bolje od bilo koga u NBA”,rekao je trener Denvera Majkl Maloun.

Heris je dao 20 poena, Marej 19, Pol Milsap 13, a Bizli 12. Na drugoj strani je Džej Krauder ubacio 21, Donovan Mičel 16.

Lejkersi su pobijedili Portland u gostima 114:110.

Najzaslužniji za pobjedu bio je  Lebron Džejms, koji je meč  završio 28 poena, sedam asistencija i pet skokova. Radžon Rondo koji je imao dabl-dabl od 17 poena i deset asistencija.

Demijan Lilard i Si Džej Mekolum upisali su po 30 poena u ekipi Portlanda, dok je Jusuf Nurkić imao 14 poena i 13 skokova.

REZULTATI:

Šarlot – Klivlend 126:94
Indijana – Boston 102:101
Atlanta – Majami 123:118
Čikago – Hjuston 88:96
San Antonio – Nju Orleans 109:95
Denver – Juta 103:88
Portland – Lejkers 110:114

foto:printscreen/youtube

About The Author

Možda ste propustili