Ćavi Paskval: Bio je divan dan, povratio sam onaj osjećaj putovanja od kuće do Blaugrane

Ćavi Paskval stavio je paraf na ugovor sa Barselonom.

Vratio se u Barselonu sa kojom je imao mnogo uspjeha, pošto je 2010. ovom klubu donio titulu šampiona Evrolige. Trener Barselone je bio u prvom mandatu od 2008. do 2016. i osvojio je ukupno 19 trofeja.

Ugovor je potpisan do 2028. godine.

Un retorn molt especial. pic.twitter.com/fQBF18567K
— Barça Basket (@FCBbasket) November 17, 2025

“Bio je divan dan, povratio sam onaj osjećaj putovanja od kuće do Blaugrane. Sezona je počela i malo po malo moramo usmjeravati tim ka putu kojim želimo, a to da usrećimo navijače Barse i da ekipa odražava vrijednosti kluba. I, ako je moguće, da se tim bori za sve trofeje”, rekao je Paskval na predstavljanju.

Prethodno je radio u Zenitu, a navijači su priželjkivali njegov povratak.

“Ljudi u Blaugrani su izvanredni, ali zahtijevni. Bilo da pobjeđujemo ili gubimo, dugujemo im nešto. DNK koji imamo toliko godina uvijek mora biti na prvom mjestu, i moramo stvoriti taj identitet kako bi se navijači uzbudili i poistovjetili sa timom”.

Iskusniji je nego u prethodnom mandatu.

“Ja sam trener sa više iskustva. Život na različitim mjestima mnogo te nauči i pomaže ti da pokušavaš da radiš stvari na pravi način, a upravo to sada moramo da radimo”.