Borićemo se za svaki centimetar parketa
Cedevita Olimpija u nedjelju gostuje u Beogradu.
Meč u Beogradu mogao bi odlučiti putnika za plaj of. Obe ekipe, kao i Mornar su na učinku 12 pobjeda sedam poraza. Do kraja su ostala još tri kola.
“Zvezda je definitivno jedna od najboljih ekipa u ABA ligi. Meč u nedjelju nam je podjednako važan jer direktno odlučuje o mjestima koje vode u plej-of. Kao i naši rivali i mi imamo svoje kvalitete i probleme i trudićemo se da maksimalno iskoristimo svoj potencijal u Beogradu i zaustavimo najbolju igru protivnika. Idemo tamo samouvjereni i svjesni da će naša igra u odbrani biti ključna u tom meču. Maksimalno ćemo se potruditi da se u Ljubljanu vratimo s pobjedom”, istakao je trener Ljubljančana Jurica Golemac.
Jaka Blažič igraće protiv bivšeg tima.
“Utakmica u nedjelju veoma bitna za oba tima jer mi, kao i Crvena zvezda, nastavljamo da jurimo posljednji voz za plej-ofa ABA lige. Očekuje nas izuzetno zahtjevno gostovanje. Oni će imati veliku i bučnu podršku sa tribina, jer su svjesni šta im pobjeda donosi. Idemo u Beograd da se borimo za svaki centimetar parketa i daćemo sve od sebe da ostvarimo trijumf”, naveo je Blažič.
Meč Zvezda – Cedevita Olimpija na programu je u nedjelju sa početkom u 21 čas.
foto:Aleš Fevžer/Cedevita Olimpija
About The Author
