Nikola Tanasković: Osjećam da se vraćam kući, na mjesto gdje je sve počelo, još otkako sam otišao iz kluba, ostala je želja da se vratim

Nikola Tanasković o povratku u Partizan.

Nikola Tanasković vratio se u Partizan poslije sedam godina. Za klupski sajt govorio o emocijama nakon što se vratio u klub u kojem je počeo karijeru.

“Praktično sam odrastao u Partizanu. Prošao sam skoro sve mlađe kategorije, dobio šansu u prvom timu i dobio prve minute. Osjećam da se vraćam kući, na mjesto gdje je sve počelo. Još otkako sam otišao iz kluba, ostala je želja da se vratim.

Zato mi sve ovo mnogo znači. Vraćam se zreliji i iskusniji, ali sa istom željom kojom sam imao kao klinac da pobjeđujem sa Partizanom”, poručio je Tanasković.

Vraća se iskusniji.

“Prije svega sam mnogo zreliji i iskusniji, a svakako sam bolji i kompletniji igrač. Prošao sam mnogo toga i imao sam veće odgovornosti i veću ulogu u timovima, bio i kapiten. Naučio sam da budem važan šraf ekipe i znam kako da pomognem i doprinesem. Znam svoje kvalitete, kao i mane. Sigurno da se nije promijenila moja želja i ambicija za trofejima”.

Dobro zna šta navijači Partizana traže od svojih igrača.

“Dobro znam šta navijači traže – požrtvovanost, borba, nema odustajanja do samog kraja. I u pobjedi i u porazu moraš da se baciš za svaku loptu, jer je to Partizan uz koji sam ja odrastao”, zaključio je Nikola Tanasković.