Trinkijeri: Idemo u pravom smjeru
Izjava trenera Partizana poslije poraza u Morači.
Partizan je izgubio od Budućnosti u Morači 75:71 u meču osmog kola ABA lige.
Pokušavali su uporni crno bijeli da dođu do pobjede, ali jednostavno Budućnost je imala odgvoor na sve pokušaje ekipe Andree Trinkijerija, koja se propisno ispromašivala.
Prije svih bekovi koji su kombinovano imali šut za dva 21-6, a za tri 12-3.
“Čestitke Budućnosti, igrali su čvrst meč, imaju puno talenta u napadu. Za nas je bila teška utakmica, ali mislim da idemo na bolje. Vratili smo se, jako neiskusne greške pravimo. Večeras nas je Klark kažnjavao, zatim Džekson, Gordić i Ivanović. To je jasno”, rekao je Trinkijeri.
Iako je ekipa poražena italijanski trener nije previše razočaran.
“Idemo u pravom smjeru, fali nam još malo koncentracije i strpljenja. Igrali smo protiv evroligaša koji je držao čas Baskoniji prije tri dana. Žao mi je, mogli smo pobijediti, ali nisam razočaran.”
foto:Budućnost VOLI
About The Author
